პოლიტიკური პარტია თავისუფალი საქართველო

Political Party Free Georgia

01:29:24
19 11 2017
ეკონომიკური ზრდა: 2002 - 5,4 %   2005 - 9,3 %   2007 - 12 %   2010 - 6,3 %   2011 - 7,2 %   2012 - 6,1 %   2013 - 3,3 %   2014 - 5 %    
ქართული პრესა
NETGAZETI.GE ჩვენ გუნდს მუქარით, შანტაჟით, დაჭერებით ვერ შეაშინებ - აცხადებს მერაბიშვილი
02-12-2012  

"ჩვენ გუნდს მუქარით, შანტაჟით, დაჭერებით ვერ შეგვაშინებს და ხელს არ აგვაღებინებს, რომ შევწყვიტოთ ბრძოლა საქართველოსთვის. მზად ვარ მივიდე ნებისმიერ ადგილას, გავცე ნებისმიერ კითხვას პასუხი,"- განაცხადა ჟურნალისტებთან საუბრისას შს სამინისტროს საგამოძიებო ნაწილში მისვლამდე ყოფილმა პრემიერ მინისტრმა.

 

როგორც შსს სამინისტრო აცხადებს, 30 ნოემბერს ვანო მერაბიშვილი, სახელმწიფო დელეგაციის შემადგენლობაში გამოცხადდა თბილისის საერთაშორისო აეროპორტში, ამავე დელეგაციის შემადგენლობაში ქალაქ ერევანში გამგზავრების მიზნით. საპასპორტო კონტროლის გავლის დროს, საქართველოს პრეზიდენტის პროტოკოლის სამსახურის თანამშრომელმა აეროპორტის მესაზღვრე კონტროლიორს წარუდგინა ივანე მერაბიშვილის პასპორტი. მესაზღვრე კონტროლიორმა, კანონით დადგენილი პროცედურის გავლის დროს აღმოაჩინა, რომ სინამდვილეში, პასპორტი გაცემული იყო ვინმე ლევან მაისურაძის სახელზე, ივანე მერაბიშვილის ფოტოსურათით.

 

სამინისტრო აცხადებს, რომ სახელმწიფო ვიზიტის შეფერხების თავიდან აცილების მიზეზით, "ივანე მერაბიშვილს მიეცა საშუალება წარმოედგინა სხვა, ნამდვილი პასპორტი და მის მიმართ სამართლებრივი პროცედურები მყისიერად არ განხორციელდა. იმავე საღამოს, 23 საათზე, უკან დაბრუნებულმა მერაბიშვილმა პრეზიდენტის ესკორტთან ერთად დატოვა თბილისის საერთაშორისო აეროპორტი, რის გამოც მის მიმართ კანონით დადგენილი საგამოძიებო მოქმედებები ვერ ჩატარდა.დღეს, ივანე მერაბიშვილი გამოძახებული და დაკითხული იქნება აღნიშნულ საქმესთან დაკავშირებით."-აცხადებს სამინისტრო.


www.netgazeti.ge





უკან

კახა კუკავას გამოსვლა პარლამენტში გირგვლიანის საქმეზე
21.02.2017